Eвропското првенство започна, а наскор ќе стартува и Копа Америка. Еден од главните фаворити за освојување на јужномаериканскиот турнир, Бразил го објави ростерот, а со тоа предизвика незадоволство кај легендата на „Кариоките“, Роналдињо.

Роналдињо не беше задоволен од списокот на фудбалери на кои ќе смета селекторот, па порача дека нема ниту да го гледа, ниту да се радува на победите.

„Тоа е момци, нема да гледам ниту еден меч на Бразил на Копа Америка, нема да славам ниту една понуда. Доста ми е. Ова е тажен момент за оние кои го сакаат бразилскиот фудбал. Тешко е сега да се најде дух да се гледаат натпреварите. Ова ни е една од најлошите селекции во изминатите години, нема почитувани лидери, само просечни фудбалери. Никогаш не сум видел ситуација лоша како оваа. Недостаток на љубов кон бразилскиот дрес и недостаток на фудбал. Нашите перформанси се едни од најлошите кои сум ги видел, голема штета“, објави Роналдињо.