Романот „Кобајаши Мару“ е книга на годината за 2024 во „Антолог“
Срцата на читателите на „Антолог“ во текот на 2024 година ги освои македонскиот автор Анде Јанков со извонредното дело „Кобајаши Мару“.
Препорачано
– Оваа книга не само што ги маѓепса читателите со својата оригиналност, туку ги поведе на патување исполнето со емоции, предизвици и прашања што ги тераат да размислуваат – истакнуваат од „Антолог“.
Книгата со наслов „Кобајаши Мару“ е дел од серијата криминалистички романи на авторот Анде Јанков. Станува збор за петти роман на Јанков, а четврти од серијалот за инспекторот Виктор Николов.
Серијалот за инспекторот Виктор Николов почна со романот „Виенски гамбит“, продолжи со „Сигурен ризик“ и „Само Бог простува“ и стигна до „Кобајаши Мару“. Сите романи се објавени од „Антолог“.
Авторот Анде Јанков е роден во Велес. Дипломирал на Економскиот факултет во Скопје во 2013 година, но книжевноста отсекогаш му била блиска, а се фокусира во областа на криминалистичките трилери.
