Во рамките од четвртото коло во ракометната ЕХФ Европска лига екипата на Вардар 1961 со 37:24 загуби на гостувањето кај Порто.

После првото полувреме португалскиот претставник имаше предност од седум голови разлика.

Само на стартот скопските „црвено-црни“ успеаја да поведат, но потоа константно домаќинот одржуваше позитива од еден-два голови разлика.

Во последните 10 минути од првото полувреме негативата на Вардар уште повеќе се зголеми, Порто дојде и до 14:8, а подоцна и до „плус осум“ (17:9).

Вториот дел беше само формалност, ништо не се промени резултатски, на 25:15 за прв пат дојде Порто и до двоцифрена позитива.

За Вардар доминираше Срдановиќ со шест голови, а на спротивната страна Веитиа реализираше девет.

Во групата Ф по четири кола води Мелсунген со осум бодови, следува Порто со пет, Вардар има два, а Валур 1. Во следното коло на 19 ноември Вардар ќе му гостува на Валур во обид да освои нови бодови.