Ракометниот клуб Алкалоид го комплетираше својот играчки кадар за претстојниот дел од сезоната со четворица нови ракометари.

Нови играчи на суперлигашот се левиот бек Иван Џонов, десниот бек Давид Савревски, пикерот Костадин Петров и младиот среден бек Дамјан Митев.

Со овие четворица играчи стручниот штаб предводен од тренерот Кирил Лазаров ќе добие повеќе опции за игра и тимот ќе стане поконкурентен во плејоф-натпреварувањето од Суперлигата, во кое ќе играат најдобрите осум екипи во Македонија.

Својот прв натпревар РК Алкалоид од плеј-оф продолжението на сезоната ќе го има во Кавадарци против ГРК Тиквеш.

Играчите на Лазаров имаа подготовки во Србија каде одиграа и пријателски мечеви, триумфираа над Динамо Панчево (25:22), РК Лавови (36:13), РК Црвенка (34:23) и РК УБ (35:27).