Македонските борачи настапуваат на 60 издание на меѓународниот турнир „Дан Колов – Никола Петров“ во спортската сала „Левски Софија“ во Бугарија. На овој турнир учествуваат 400 борачи од 40 земји.

Во женска конкуренција Вероника Рјабоволова во категоријата -50 кг. на стартот ја совлада С. Хамди од Тунис. Хамди е африканска шампионка, медалистка од Светско првенство учесничка на Олимпијада.

Во четвртфиналето Рјабоволова славеше победа со туш против М. Јонехара од Јапонија.

За влез во големото финале нашата натпреварувачка ќе ги одмери силите со М. Стадник од Азербејџан.

Могамедгаџи Нуров добро стартуваше со триумф против Аргентинецот Баез, а потоа загуби од Иранецот Д. Шариатиниа во четвртфиналето.