Динамо Загреб на македонскиот фудбалер Стефан Ристовски триумфираше со 1:0 во полуфиналето од Купот на Хрватска против Хајдук.

Единствениот гол на мечот одигран на стадионот „Пољуд“ во Сплит го реализираше Куленовиќ во 14 мин од натпреварот.

Ристовски настапи за „модрите“ до 90 минута кога беше заменет од Огивара. На спротивната страна нашиот репрезентативец Александар Трајковски играше од 65 минута кога го замени Клејнхеслер.

Противник на Динамо во финалето ќе биде екипата на Риека која со истиот резултат го елиминираше составот на Локомотива.

Победата за Риека на теренот во Загреб ја донесе Смолчиќ во 70 минута по асистенцијата на Пашалиќ.

Динамо Загреб е најтрофеен во ова натпреварување со до сега 16 титули, додека Риека има шест.