Ријана откажала шест планирани настапи во Лондон неколку дена пред и официјално да ги објави. Наводно, пејачката требала да одржи серија настапи во јули кои ќе го одбележат нејзиното враќање на сцената, но ги откажала настапите, со образложение дека нејзините песни сè уште не се готови.

Девет години без турнеја

„Ријана немаше турнеја повеќе од осум години, а плановите за враќање на сцената се во развој најмалку три години. Беше возбудена што ќе се врати на настапите бидејќи дефинитивно публиката ја сака“, рекол упатен извор.

„Сè уште не е вистинското време за тоа. Минатата недела таа неочекувано рече дека не сака да ги одржи концертите во јули според планираното“, додал изворот.

Инаку, последната турнеја на Ријана „Anti-World Tour“ се одржа во 2016 година. Таа го искористи и за промовирање на нејзиниот последен албум „Anti“ кој вклучува хитови како „Work“ (дует со Дрејк) и „Needed Me“.

Најави нов албум

Потсетуваме, на крајот на февруари пејачката потврди дека работи на својот нов, деветти албум.

„Сето ова време што не сум напишала песни, мора да вреди да се слушаат. Тоа мора да биде важно. Морам да им покажам на обожавателите дека вредеше да се чека. Не можам да издадам ништо просечно. По осум години чекање, можете да почекате уште малку“, изјавила во интервју за „Harper’s Bazaar‘, пренесува хрватски „Индекс“.