И најдобрите фудбалери на Србија се наоѓаат на една победа до пласман на наредното Европско првенство, а последна пречка на патот до целта им е репрезентацијата на Шкотска.

За триумфот против Норвешка во Осло секој играч во српската селекција доби по 25.000 евра. Со оглед на тоа што наградата за учество на ЕП е скоро 10 милиони евра, во Србија се одлучија да ги подигнат премиите.

Доколку се пласираат на ЕП, репрезентативците на Србија ќе заработат по 100 илјади евра, што е дополнителен мотив.

Фудбалерите на Србија ќе играат против Шкотска во Белград, а тоа им дава уште поголеми шанси да се најдат на континенталниот собир.

На 12 ноември 2020 година, покрај дуелот Србија-Шкотска (Лига „Ц“), ќе се играат и натпреварите Грузија-Македонија (Лига „Д“), Северна Ирска-Словачка (Лига „Б“) и Унгарија-Исланд (Лига „А“) за настап на наредното ЕВРО.