Сите знаеме колку е здраво да се јаде риба, а препораките на нутриционистите и на лекарите се јасни – јадете риба барем еднаш неделно. Еве еден рецепт што е брз и лесен за подготовка, а многу вкусен.

А, доколку имате слава, овој рецепт ќе придонесе за раскошна празнична трпеза.

Состојки:

– 2 пастрмки
– 2 лажици маслиново масло
– 1 лажици мешан сув зачин (босилек, оригано, рузмарин)
– 1 главица лук
– 1 главица кромид
– 1 конзерва со домати
– 200 мл црвено вино
– 500 грама варени компири
– 4-5 сушени домати со средна големина
– сол
– црн бибер

Подготовка:

Најпрвин убаво измијте ги пастрмките, посолете ги и убаво зачинете ги со зачини по ваш вкус.
Во подлабок сад на масло кратко пропржете ги рибите од двете страни, а додека ги пржите, додајте ги и претходно исечканите лук и кромид. Пржете уште неколку минути за да омекнат лукот и кромидот. Потоа додајте го виното и оставете убаво да се издинста. Додајте ги босилекот, ориганото, рузмаринот, гответе околу 10 минути, а потоа целата смеса префрлете ја во тава за печење и вака подготвената риба ставете ја да се пече во претходно загреана рерна на температура од 200 степени Целзиусови.

Откако рибата ќе биде готова, сипете врз неа сос од домати и додајте ги сувите домати.

Оставете убаво да се потпече.

Печената риба сервирајте ја со варени компири.