Во зима често јадеме мрсна и тешка храна, но и премногу тесто, слатко и солено, па затоа е неопходно понекогаш да имаме и здрав оброк. А најдобро е денот да го започнете со вкусен оброк кој брзо се подготвува, па затоа нашиот предлог за појадок е смути од чинија.

Многумина пијат смути кога сакаат брзо и едноставно да внесат овошје и зеленчук во организмот. Постојат безброј варијанти како можете да го направите, а наместо само да го испиете, збогатете го со друга намирници и уживајте во лесниот оброк полн со хранливи состојки. Подготовката е лесна и брза и нема да ви одземе повеќе од 10 минути, па затоа е идеален појадок и кога сте во брзање. Овошјето можете да го користите по желба, во зависност од вашето расположение или од тоа што имате дома.

Состојки:

– 200 грама замрзнати бобинки
– 1 банана
– 1 киви
– 75 милилитри јогурт
– 1 лажица мед
– овесна каша
– 1 лажица кикиритки
– 1 лажица путер од кикиритки

Подготовка:

Овошјето кратко одмрзнете го, па ставете го во блендер и додадете јогурт, мед и путер од кикиритки, па добро изблендирајте. Ако смесата е премногу густа, додадете уште една лажица јогурт. Сипете во сад, па украсете со сечкано овошје, овесни снегулки и сечкани кикиритки.