Реакција на СДСМ: ВМРО-ДПМНЕ нема понуда за граѓаните и затоа штанца лаги
СДСМ реагира на денешните изјави на претседателот на ВМРО-ДПМНЕ и на Александар Николовски од ВМРО-ДПМНЕ, со ставот дека тие шират лажни вести.
ВМРО-ДПМНЕ нема понуда за граѓаните, Николовски штанца лаги затоа што Мицкоски го загуби ТВ дуелот. Познатиот извор на лажни вести и невистини, Александар Николовски штанца лаги и сее магла затоа што Мицкоски го загуби ТВ дуелот од Ковачевски. Граѓаните гледаат кулминација на нервозата коишто ја манифестираат претставниците на ВМРО-ДПМНЕ додека нивната кандидатка никаде ја нема. Тие немаат понуда пред граѓаните ниту план за иднината, немаат што да им кажат на граѓаните. А немаат ниту поддршка од граѓаните на празните митинзи. Затоа се нервозни и се обидуваат да ја сменат темата. СДСМ нема да се занимава со нивните лаги. СДСМ, Ковачевски, Пендаровски имаат јасен план и визија за европска иднина и тоа го претставуваме пред граѓаните, велат од Центарот за комуникации на СДСМ во својата реакција.