Американката Маргарет Лосинџер, која сега има 68 години, ќе наследи милион долари од пензискиот фонд на дечкото со кого се забавувала пред 34 години.

Браќата и сестрите на починатиот Џефри Ролисон ja оспоруваат одлуката на судот, пишува „Вол стрит џурнал“.

Маргарет се забавувала со Џефри во 1980-тите, а во 1987 година, во рачно напишаниот тестамент, тој ја именувал како единствен корисник на неговите пензиски заштеди, иако нивната врска завршила неколку години подоцна.

Судските документи сугерираат дека Џефри ја запознал Маргарет додека играл фризби. Почнале да живеат заедно, но бракот не се случил бидејќи тој не бил подготвен.

Маргарет сакала сопруг и деца, поради што ја прекинала врската и си заминала. Подоцна се омажила и добила деца, додека Џефри имал долгогодишна партнерка.

Откако Џефри починал на 59-годишна возраст, неговите браќа го наследиле неговиот имот. Но, се изненадиле кога дознале за корисничкиот статус на неговата поранешна девојка Маргарет.

Маргарет ќе ги наследи сите негови заштеди во вредност од 1,15 милиони долари. Неговите браќата се бореле на суд по ова прашање, но изгубиле. Тие дури и ја обжалиле одлуката бидејќи сметаат дека тоа не било намера на починатиот, туку само невнимание. Но, од компанијата во која работел починатиот рекле дека ги дале сите предупредувања за потребата од ажурирање на документите.