Менаџерот на фудбалерите на Астон Вила, Унаи Емери, изјави дека се радува на огромниот предизвик да го врати Маркус Рашфорд во најдобра натпреварувачка форма.

Рашфорд дојде во Астон Вила на позајмица од Манчестер јунајтед до крајот на сезоната, а клубот од Бирмингем има опција да го откупи договорот.

Рашфорд го напушти клубот во кој порасна поради лошите односи со тренерот Рубен Аморим.

– Многу сум задоволен од работата што ја завршивме во преодниот рок, многу сум задоволен од Рашфорд. Имавме нормален разговор, како тренер и играч, разговаравме за фудбалот. Од него го сакам само најдобриот фудбал. И како човек во соблекувалната каде што еден играч му помага на друг – изјави Емери.

Рашфорд би можел да дебитира за својот нов клуб во недела, на натпреварот против Тотенхем во четвртото коло од ФА Купот.