Српскиот ракометар Марко Вујин е најновото засилување за сè уште актуелниот европски шампион, Вардар. Шпекулациите дека поранешниот српски ракометар ќе ги засили „црвено-црните“ конечно се обвистинија откако денеска леворакиот бомбардер стави потпис на едногодишниот договор.

35-годишниот Вујин доаѓа од редовите на Спортинг Лисабон за кого сезонава настапи на седум натпревари во Лигата на шампионите и постигна 22 гола додека во португалскиот шампионат на 18 натпревари даде 35 гола.

Претходно тимот на Вардар го засилија и Кантегрел, Јагуриновски, Гаџа, Векиќ, Талески и Георгиевски, а се очекува и ангажман на уште среден бек за да се комплетира тимот кој идната година ќе игра во Лигата на шампионите.