Рафаел Надал, шпанскиот тенисер и двократен победник на „Вимблдон“ се повлече од грен слем турнирот во Лондон.

Шпанецот го одигра четвртфиналниот меч против Тејлор Фриц и покрај, како што пишува шпанскиот весник Марка, „скинат стомачен мускул“. Иако првичната најава беше дека Надал ќе игра полуфинале против Ник Кирјос од Австралија, повредата беше посилна.

Имено, Надал набрзина свика прес-конференција, а недолго потоа се огласи и Хозе Моргадо, познат новинар, кој потврди дека Надал нема да игра во полуфиналето.

Кирјос без борба отиде во финалето во кое в недела ќе ги одмери силите против Новак Ѓоковиќ (Србија) или Камерон Нори (Британија).

Now official: Rafael Nadal WITHDRAWS from the semifinal vs. Nick Kyrgios at Wimbledon.

19-0 in Grand Slams this year but Calendar Slam dream over.

Nick makes first Slam final, awaits Djokovic or Norrie.

— José Morgado (@josemorgado) July 7, 2022

Надал на прес-конференција на Вимблдон потврди дека се повлекува од турнирот.

– За жал, како што можете да претпоставите, тука сум затоа што се повлекувам од турнирот. Се борев со болки во стомакот, вчера тоа прифатив, се потврди дека имам скинат мускул. Доцнеше комуникацијата бидејќи цел ден размислував каква одлука да донесам. Мислам дека е време да се повлечам, често сум бил во тешки моменти. Нема смисла да продолжам да играм, можам само да ја влошам состојбата – рече Надал.

Until next time, Rafa ​?​

Wishing you a speedy recovery.#Wimbledon

— Wimbledon (@Wimbledon) July 7, 2022

Дополнителна причина е впечатокот на шпанскиот тенисер дека би имал шанса да атакува на титулата:

– Направив сè на најдобар начин да си дадам шанса да бидам тука, играв на многу високо ниво, дури и вчера. Се чувствувам малку полошо бидејќи кога ќе видам колку добро одиграв мислам дека би имал шанса за титулата – вели Надал.

We're sad to see it end this way, @RafaelNadal

Thank you for another year of unforgettable moments at The Championships#Wimbledon pic.twitter.com/XadiEVxaWF

— Wimbledon (@Wimbledon) July 7, 2022

Самиот признава дека не може да освои два меча под вакви околности:

– Не можам да правам нормални движења, се замислував себеси како победувам на два меча, на начин од почит кон себе не сакав да излезам и да играм без да бидам доволно конкурентен, да не можам да играм како што сакам. Повредата на стапалото сега е подобра, најважна ми е среќата, поважна од која било титула. Не сакам да ризикувам, што ќе се случи, ќе се случи, тоа е моја одлука и морам да живеам со тоа. Многу сум тажен, донесов тешка одлука – се зборовите на шпанскиот тенисер.