Рафа Надал: „Ролан Гарос“ ќе биде момент да се обидам да дадам сè од себе
По поразот од Алекс де Минор, шпанскиот тенисер Рафаел Надал е песимист дека повторно во иднина би играл во Барселона.
Во второто коло на турнирот во Шпанија, Надал загуби од Австралиецот Де Минор со 7:5, 6:1. На Рафа ќе му биде тешко да се врати на турнирот кој го освои 12 пати.
– Можам со речиси целосна сигурност да кажам дека нема повеќе да се натпреварувам овде. Посакувам да можев да бидам поконкурентен, но за мене беше убаво што можев да одиграм два меча. Тешко ми е… Имав доволно среќа да напишам прекрасна историја на овој турнир, а сега другите ќе се обидат да ме престигнат. Сè има почеток и крај, нема никаква драма – рече Надал по мечот.
Сопственикот на 22 Грен слем титули ги откри понатамошните планови:
– Ќе играм во Мадрид ако се чувствувам добро. Оттука заминувам убеден дека направив чекор напред. Ако моето тело добро реагира, верувам дека и јас ќе направам чекор напред во Мадрид. Ако телото може да го издржи напорот, тогаш ќе можам и подобро. Не зборувам за победа, туку за тоа да имаш ниво на игра за да можеш да се бориш. Малку подобро во Мадрид, малку подобро во Рим и ако даде Господ во Париз. Ќе биде момент да се обидам да дадам сè од себе, момент за кој ќе умрам – вели Надал.