Турнирот во Сараево во рамките од АБА2 лигара, МЗТ Скопје Аеродром го завршија со максимален ефект, победен е и Ловќен (100:81) за второ место на табелата по три турнир.

Во главниот град на Босна и Херцеговина, македонскиот кошаркарски клуб претходно успеа да ги совлада и Хелиос Домжале (94:88) и Спарс Сараево (87:77).

Во Бања Лука во јануари ќе се игра следниот турнир во ова натпреварување. Тренерот на „металците“, Дарко Радуловиќ е задоволен што неговите играчи излегоа како победници на сите три пресметки на турнирот во Сараево.

– Влеговме добро во натпреварот, особено шутерски. Ги искористивме сите празнини во нивната одбрана, успеавме да поентираме. Но, дозволивме премногу лесни поени, првото полувреме не го завршивме онака како што требаше. Имавме некоја добра предност, можеби од 15, 17, 18 разлика, ние отидовме на достижни „11“ за нив, но таа трета четвртина пресуди со добар шут, добро движење, со контранапади, тогаш почнавме да реализираме.

Тоа што ме нервира е последната четвртина кога веќе веројатно беше решен мечот, кога почнавме ние да се опуштаме премногу и да дозволуваме лесни кошеви, да не играме одбрана, тоа не смее да си го дозволуваме за во иднина.

Генерално морам да бидам задоволен од момците, три тешки натпревари, борба, храбра игра. Доста мобилни бевме во одбраната. Се трудевме, имам сегменти кои треба да се поправат, но овие играчи ги заслужуваат сите честитки, навистина го оставија срцето на теренот и успеаја на сите три меча да излезат како победници – рече Радуловиќ.