Во текот на посетата во болница во Москва, претседателот на Русија Владимир Путин носеше жолта заштитна облека каква што носат лекари, изјави главниот лекар на оваа медицинска установа Денис Проценка во интервјуто објавено на ЈуТјуб.

„Само имаше жолт заштитен скафандер, кој беше негова големина, а ние сме во бели“, објасни Проценко.

Тој истакна дека, за разлика од лекарите, претседателот имал маска со поголемо ниво на заштита, зошто спаѓа во ризичната група.

Путин во вторникот ја посети болницата во Комунарка, каде се наоѓаат повеќе пациенти со новиот коронавирус. Тој обиколи неколку одделенија и разговараше со еден од пациентите.

Според најновите податоци, во Русија се забележани 840 случаи на инфекција, а во главниот град 546. Од тогаш оздравени се 38 лица, а двајца починале. Околу 139 илјади Руси се наоѓаат под медицински надзор.

Во светот во 170 земји со вирусот КОВИД-19 се заразени над 524 илјади луѓе, додека над 23.000 се починати.