ПСЖ повторно има проблеми со финансискиот фер-плеј поради што ќе мора да продава фудбалери. Според весникот „Лекип“, францускиот тим во 2022 година, во зимскиот и летниот преоден рок ќе мора да заработи 100 милиони евра од продажба на фудбалери.

Прв на списокот на играчи кои ќе бидат ставени на трансфер листата, е Рафиња кој сезонава добива многу мала минутажа. Најзагреан за него е Реал Сосиедад кој сака во јануари да го донесе на позајмица, на лето да го откупи неговиот договор.

Според управата на ПСЖ, дефанзивците Тило Керер и Абду Диало би требало во касата да донесат 50 милиони евра. „Слободата“ на Јулијан Дракслер изнесува 20 милиони евра, додека Курзава може да си замине доколку некоја екипа плати девет милиони евра. На трансфер листата ќе биде ставен и Мауро Икарди за кого најголем интерес пројавува Јувентус.