Сениорската македонска фудбалска репрезентација веќе е во Варшава каде што го одработи првиот тренинг пред осмиот квалификациски натпревар за пласман на ЕП 2020.

После триумфот над Словенија во Скопје избранциите на селекторот Игор Ангеловски ги одржуваат шансите за една од првите две позиции во квалификациската група “Г’ кои директно водат на ЕУРО.

Сите кои отпатуваа на ова гостување кај силната Полска веруваат дека може да останат непоразени и бидат во трка за освојување на второто место на табелата.

Претходно објавивме дека на овој тренинг одмор доби Езгјан Алиоски, поради повреда не тренираше и Аријан Адеми, додека Елиф Елмас и Бобан Николов не тренираа со полн интензитет.

Дуелот помеѓу Полска и Македонија ќе се игра в недела (13 октомври) со почеток од 20.45 часот на Националниот стадион во Варшава.