Првиот роман „Ронлива“ на Милена Сиљаноска ќе биде промовиран во „Филхармонија Бар“
Издавачкиот центар „Три“ на 20 декември, со почеток од 19 часот, во „Филхармонија Бар“ ќе го промовира деби-романот „Ронлива“ на Милена Сиљаноска.
Препорачано
Заедно со Виолета Танчева-Златева, во улога на промотор и проникнувач во содржината на романот, ќе ги отворат вратите кон ова необично дело, кое ни ја доближува смислата на скриените и навидум невидливи мигови на секојдневјето.
Милена Сиљаноска е дипломиран професор по општа и компаративна книжевност, а денес работи како уредник во Издавачкиот центар „Три“. Има објавено повеќе ракописи (поезија и проза) во списанијата „Современост“, „Литературни искри“, во студентскиот весник „In medias res“ и учествувано на повеќе студентски конференции, како „Како си ми“ и други книжевни поткасти.
Оваа година со необјавената стихозбирка „Болопадание“ се здоби со наградата „Антев златник“, а учествуваше и на „Отскочна даска #2“, преднастан за млади поети и поетеси на 3. „Скопски поетски фестивал“.
Во своите ракописи дофаќа најразлични теми што зачнуваат егзистенцијални и клучни прашања – за времето, судбината, животот, смртта, религијата и Бог и самата смисла на постоењето.
