Оставка од премиерската функција на Бенјамин Нетанјаху бараат илјадници Израелци кои излегоа на протести во неколку градови.

Демонстрантите во Тел Авив побараа предвремени избори и ослободување на преостанатите заложници кои ги држеше Хамас во Појасот Газа.

Се протестира и во Ерусалим и Хаифа.

Жена која се ослободи од заробеништво но и чиј сопруг сè уште е заложник од Хамас, им се обрати на демонстрантите во Тел Авив, велејќи му на Нетанјаху: „Прати ги дома!“

Таа побара од израелскиот премиер да му даде „широк мандат“ на преговарачкиот тим да преговара за ослободување на преостанатите заложници во замена за прекин на огнот во Појасот Газа и ослободување на палестинските затвореници.

„Не доаѓајте дома без договор, вратете ги нашите најблиски“, рече таа.