
Професорот Иван Бабановски ќе промовира дополнето издание на книга која ја објавил пред 22 години
Промоција на книгата „ОНА – терористичка паравојска во Македонија“ (второ дополнето издание) од проф. Иван Бабановски ќе се одржи на 23 октомври 2024 година во салата на хотел „Бест вестерн“ (хотел „Турист“ спроти новата црква на ул. Македонија), во 11 часот.
Препорачано
Станува збор за репринт издание кое се објавува 22 години по првата објавена книга, а во кое се додадени нови 250 страници и нови фотографии кон проектот.
Според Бабановски, „ништо не е можно да се случи ако не му претходи причина“ и додава дека второто дополнето издание на книгата ги „опишува нашата реалност, актуелниот миг и причините за она што ни се случува денес“.
Проф. д-р Иван Бабановски е експерт од областа на безбедноста и универзитетски професор во пензија. Досега има објавено повеќе книги од областа на безбедноста, разузнавањето и странските служби.
На промоцијата на книгата ќе говорат проф. д-р Владимир Пивоваров и проф. д-р Гроздан Цветковски.