Привремениот либански премиер Наџиб Микати изјави дека „правилата за водење на воените дејствија на јужната граница меѓу Либан и Израел остануваат исти, но нема меѓународни гаранции што ќе ни дадат каква било безбедност“.

„Гледаме дека агресијата врз Газа се спроведува секојдневно и никој не се грижи за тоа, ниту пак предизвикува меѓународни реакции“, рече Микати во интервју за Турската радио-телевизија (ТРТ).

„Ние не сакаме војна и се стремиме кон мир, а во исто време не сакаме некој да ја осквернува либанската земја“, додаде тој. „Ние целосно ја поддржуваме палестинската кауза, но се трудиме да го поштедиме Либан да не влезе во крвави борби“.