Во атарот на селон Варварица, струмичко, на место викано „Варница”, вчера полицајци од станицата Радовиш  лишиле од слобода три лица  , сите од село Баница, струмичко.

Како што соопштуваат од МВР, Д.С.(22), С.С.(43) и З.С.(43) биле затекнати како со повеќе запрежни возила превезуваат вкупно 25 метри кубни бесправно исечени дабови огревни дрва, а кај нив биле пронајдени и одземени и неколку моторни пили.

Дрвата и запрежните возила се пренесени во склад на јавното претпријатие „Национални шуми” во Струмица. Трите лица се приведени и задржани во полициска станица Струмица, а во координација со Јавен обвинител по целосно документирање на случајот против нив ќе биде поднесена пријава поради постоење основи на сомнение дека сториле кривично дело „пустошење на шума”, по член 226 од Кривичниот законик.