Рано утринава почна радикалниот протест на приватнте превозници од „Слобода превоз“ и „Макекспрес“, кои веќе го најавија во претходните денови.

Тие потенцираа дека се одлучиле на овој драстичен чекор откако мирните протести во изминатите седмици не вродиле со решение на нивните проблеми со неисплатените плати.

„Постојаните лаги кои ги шират надлежните за нас и немањто слух за нашите проблеми не револтира сите и затоа ги радикализираме протестите, од денес ќе бидеме на улица дење и ноќе, сѐ до исплаќање на долгот од повеќе од еден милион евра“, изјави еден од возачите.

„Автобусите се нашиот живот, од нив зависат нашите фамилии, тоа е нашиот извор на финансии за егзистенција. Подготвени сме да спиеме на улиците, имаме обезбедено и храна и пиење, воопшто не планираме да се повлечиме од булеварите“, се дел од пораките на приватните превозници.

За потсетување, од денес во Скопје ќе има посебен режим на сообраќај, а истиот е воспоставен на булеварот „Илинден“ и тоа од крстосницата на „Илинденска“ со булеварот „Св. Климент Охридски“ до крстосницата на „Илинденска“ со булеварот „8 Септември“. Посебен режим има и кај „Црвен крст“, на крстосницата помеѓу улицата „11 Октомври“ и булеварот „Кочо Рацин“. Исто така, посебен режим има и кај „Судска палата“, на крстосницата на булеварите „Гоце Делчев“ и „Крсте Мисирков“.

Нови блокади низ Скопје: Кои улици се утрово блокирани?

Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива настанот со цел безбедност на сите учесници во сообраќајот.

Приватните превозници им се извинија на скопјани за сообраќајниот метеж кој го предизвикаа

ВИДЕО: Расте нервозата, скопјани заглавени кај Тутунски поради протестот на приватните превозници