Принцот Џорџ и принцезата Шарлот пристигнаа на погребот на кралицата во придружба на Кејт и Вилијам
Дeветгодишниот принц Џорџ и неговата две години помала сестра принцезата Шарлот пристигнаа на погребот на нивната прабаба кралицата Елизабета Втора во друштво на нивните родители, принцот Вилијам и принцезата Кејт од Велс.
Препорачано
Да потсетиме, претходно денеска палатата потврди дека двете постари деца на Вилијам и Кејт ќе присуствуваат на погребот и дека ќе одат зад ковчегот на кралицата.
Иако се шпекулираше дека принцезата Шарлот може да ја прекине кралската традиција и да не се појави облечена во црно, сепак, седумгодишното девојче пристигна на церемонијата облечена во црн фустан и со капа на главата, додека нејзиниот брат се појави во класична црна боја на костум со вратоврска.
William, Prince of Wales and Catherine, Princess of Wales, Prince George and Princess Charlotte.#PrinceandPrincessofWales #PrinceGeorge #PrincessCharlotte pic.twitter.com/9vdfZPPYfr
— Sapphireblue (@Sapphireblues3) September 19, 2022
Силна порака до нацијата
Вилијам и Кејт долго време дебатирале дали нивните деца треба да присуствуваат на погребот, а високи советници од палатата на новиот принц и принцезата од Велс им предложиле да му дозволат на принцот Џорџ да присуствува, велејќи дека со тоа ќе се испрати „силна и симболична“ порака до нацијата. Принцот Џорџ е идниот крал и ја претставува „иднината на монархијата“, па затоа се смета дека е важно тој да ја почести кралицата со своето присуство.
Raising a future King! ?#PrinceGeorge #PrincessofWales pic.twitter.com/1NncG8uOpK
— Countess Commonwealth (@CountessCommon1) September 19, 2022
Случајот со принцот Џорџ предизвика дебата за тоа дали деца треба да присуствуваат на погреби. Според одлуката на Вилијам и Кејт, нивниот најмлад син, 4-годишниот принц Луис нема да присуствува на погребот.
