Принцот Џорџ го слави својот 11-ти роденден. По тој повод на официјалниот инстаграм-профил на принцот и принцезата од Велс беше објавена неговата најнова фотографија.

„Му посакуваме среќен 11-ти роденден на принцот Џорџ“, пишува во описот на фотографијата направена од неговата мајка Кејт Мидлтон.

На фотографијата Џорџ седи во костум, гледа во камерата и благо се смее. Под фотографијата се нижат мноштво коментари во кои обожавателите на кралското семејство му го честитаат роденденот.

Пред 11 години сите светски медиумски погледи беа насочени кон „Св. Мери“ во Лондон, каде тогашната војвотка од Кембриџ, сега принцеза од Велс, го роди своето прво дете, идниот крал на Велика Британија.

Пред болницата „Св. Мери“ со денови ја чекаа новинарските екипи и обожавателите на кралското семејство, а во претпладневните часови тој ден беше објавено дека војвотката Кејт се породува. Бебето го чекаа милиони.

Во попладневните часови беше објавено дека Кејт, војвотката од Кембриџ, родила момче, во тоа време трет во редот за британскиот трон. Веста за раѓањето на новиот британски принц беше ударна вест во сите британски медиуми, но и светски медиуми, а британскиот „Сан“ следниот ден осамна со името „The Son“ (Синот).

Принцот Џорџ Александар Луис ѝ беше претставен на јавноста по само 24 часа, па воодушевениот народ пред болницата тогаш првпат го виде. Среќните родители Вилијам и Кејт го изнесоа бебето од болницата „Св. Мери“ пред новинарите, а првите фотографии од новородениот принц веднаш ги преплавија светските медиуми.

Неговото име беше објавено неколку дена подоцна.

Принцот Џорџ и принцезата Шарлот вчера скршија многу срца, ова беше нивната прва и најважна улога

НЕОДОЛИВИ ФОТОГРАФИИ по повод шестиот роденден на принцот Џорџ