Како и сите мали деца, принцот Вилијам бил доста палав на фризерскиот стол, поради што принцезата Дијана морала да прави договор со него којшто сите родители можат да го искористат.

Принцезата Дијана, меѓу другото, беше позната и по своите фризури кога стануваше збор за стил, а зад нив со години стоеше нејзиниот личен фризер и пријател Ричард Далтон, пишува „ОК!“.

Тој со години се грижеше за косата на принцезата Дијана, а интересно е што таа го запознала како тинејџерка, кога го посетувала трговскиот центар со својата мајка. Откако се омажила за тогашниот принц Чарлс, Далтон станал нејзин фризер и 10 години секојдневно ја стилизирал нејзината коса.

Малку е познато дека и децата на принцезата Дијана имале корист од нејзиниот тим, кои Далтон исто така ги потстрижувал. Како што открил во една прилика дека принцот Вилијам, идниот крал на Велика Британија, не бил љубител на шишање, како што впрочем, многу деца не се.

Како што фризерот раскажал за „Пипл“, имал проблеми да го натера малиот принц Вилијам да седи мирно во текот на шишањето, а принцезата Дијана користела „мито“, ветувајќи му дека ќе може да гледа телевизија подолго ако соработува.

Тие станале блиски пријатели во текот на нивната десетгодишна соработка бидејќи „секоја жена му се доверува на својот фризер/ка и таа не се разликувала“. Меѓутоа, тајните на принцезата од Велс биле поголеми од оние што му ги кажувале „обичните“ жени.

– Чувањето толку големи тајни понекогаш ме правеше да се чувствувам болен од стрес. Мојата работа беше да ја сослушам, да ѝ помогнам да се чувствува убаво и самоуверено и да внесам малку реалност во нејзиниот свет – раскажал Ричард.

ФОТО | Принцезата Дијана носеше еден од најубавите фустани во историјата на Канскиот фестивал: Романтичната креација не беше случаен избор

На принцезата Дијана ѝ било забрането да носи потпетици повисоки од пет сантиметри: Причината била едноставна, но неприфатлива за многумина

ФОТО+ВИДЕО | „Главна“: Принцезата Шарлот го опоменa својот помлад брат Луис и стана вирален хит