При контрола во автобус на туристичка агенција од Скопје на граничниот премин „Деве Баир”, полициски службеници од Одделот за гранични работи и миграции денеска откриле 30 PCR тестови за ковид-19 за кои постои основано сомнение дека се невалидни, односно дека не се извадени од овластена медицинска установа. Тестовите биле приложени од патниците и по направени дополнителни проверки биле одземени, соопшти Министерството за внатрешни работи (МВР).

Двајца албански државјани, како што се посочува, биле лишени од слобода и биле изведени пред судија на претходна постапка.

За останатите 28 патници, македонски државјани ќе бидат направени дополнителни проверки и против нив ќе бидат поднесени пријави до Основното јавното обвинителство по член 206 и член 378 од Кривичниот законик, стои во соопштението.