Запечените полнети компири се одличен прилог со разни јадења од месо, но може да се консумираат и како главно јадење и како ужина.

Состојки:

– 4 поголеми компири

– 150 г сирење

– 1 јајце

– сечкан магдонос

– 1 лажица кисела павлака

– црвена пиперка

– 50 г путер

– бибер и сол

Подготовка:

Компирите варете ги најмалку 30 минути на тивок оган.

Кога компирите ќе се сварат, пресечете ги на половина по должина. Ако е потребно, засечете малку од долната страна за да можат половинките рамно да стојат. Со лажица внимателно издлабете дупка во секоја половинка од компирот.

Подгответе фил, така што со виљушка ќе изгмечите сирење, ќе додадете павлака, јајца, магдонос, малку бибер, сол и сечкана пиперка, па добро сето тоа ќе го измешате.

Подредете ги компирите во сад за печење и со лажица наполнете ги со филот. Меѓу компирите ставете путер или маргарин.

Печете во загреана рерна на 200 степени околу 30 минути.