Благодарение на вештите раце и на инвентивноста на младата Стефанија Несторовска што стои зад инстаграм-профилот и блогот snestorovska.com, секогаш имаме можност да пробаме нешто интересно и несекојдневно.

Денеска уживајте во неповторливиот вкус на оваа салата – пилешка крем-салата.

Состојки:

– 500 грама пилешки гради, варени
– 1/2 шолја кикиритки**
– 1/2 шолја кисели краставички
– 2 канчиња (300 грама) грчки јогурт
– 1 лажичка сенф
– сол и бибер по желба
** Јас сакам да ги потпечам кикиритките во рерна пред да ги користам. Купувам солени, непечени кикиритки и само ги ставам во рерна (без масло) на 160 степени околу 10-12 минути. Екстра чекор, но даваат неверојатен вкус.

Начин на подготовка:

Пилешките гради се цепкаат на ситни парчиња. Кикиритките се сечкаат (или толчат), како и киселите краставички, кои се сечкаат на мали коцки. Сите состојки се додаваат во голем, длабок сад.

Се додаваат и сите други состојки и убаво се промешува додека не се соединат. Пробајте на вкус и додајте повеќе зачини ако има потреба.

Салатата може да ја чувате во затворен, стаклен сад до четири дена.