Престанавте да пушите? Експертите открија колку време е потребно да се намали ризикот од срцеви болести
Може да бидат потребни повеќе од две децении за ризикот од срцеви болести да се врати на просечно ниво откако личноста ќе престане да пуши, покажува новата студија.
Препорачано
Со децении е познато дека пушењето цигари може да предизвика значително оштетување на срцето. Според податоците на Светската здравствена организација (СЗО), Светската федерација за срце и Универзитетот Њукасл во Австралија од 2020 година, секој година 1,9 милиони луѓе умираат болести на срцето предизвикани од пушењето.
Во студијата, објавена во списанието JAMA, научниците од Јужна Кореја ги испитувале здравствените податоци на повеќе од 100.000 поранешни пушачи и повеќе од четири милиони луѓе кои никогаш не пушеле. Поранешните пушачи биле следени 10 години откако се откажале од пушењето. Евидентирани се и други детали, меѓу кои возраста, кога почнале да пушат, колку цигари пушеле дневно и колку години имале кога престанале да пушат.
Студијата покажала дека врската помеѓу пушењето и ризикот од кардиоваскуларни болести е зависна од дозата – што значи дека кај оние кои биле „лесни“ пушачи, ризикот драстично се намалил релативно брзо по престанувањето на пушењето.
Меѓутоа, за „тешките“ поранешни пушачи, кои пушеле најмалку осум години, истражувачите заклучиле дека може да бидат потребни 25 години за ризикот од срцев удар и мозочен удар да се намали како кај луѓето кои никогаш не пушеле.
– За „тешките“ поранешни пушачи треба да се каже дека имаат ист ризик од кардиоваскуларни болести ист како и кај пациентите кои продолжуваат да пушат – рекле авторите на студијата.
Десетици студии покажале дека пушењето е поврзано со затајувањето на срцето – состојба во која срцевиот мускул не пумпа крв низ телото како што треба, обично затоа што е премногу слаб или вкочанет.
Како резултат на тоа, срцето не може да ги снабдува органите и ткивата со кислород и со витални хранливи материи потребни за нормално функционирање. Седум илјади хемикалии во тутунот – вклучително катран и други – можат да ги оштетат крвните садови кои го снабдуваат срцето, што се смета дека тоа е одговорно за некои од штетите што пушењето ги предизвикува на срцето, пишува „Дејли мејл“.
