Познат музички продуцент е обвинет за сексуална злоупотреба: „Ме силуваше, забременив, па трагично го изгубив бебето“
Познатиот музички продуцент Метро Бумин е обвинет за сексуална злоупотреба на жена. Според „ТМЗ“, една жена која се идентификувала како Ванеса ЛеМаистр поднела тужба во која се наведува дека инцидентот се случил во 2016 година. Таа сега бара отштета за душевната болка што ја претрпела по инцидентот.
Препорачано
ЛеМаист истакна дека трагично го загубила синот во 2016 година и дека после тоа се борела со депресија. Таа раскажа како во тоа време била во добри односи со Метро Бумин, чие вистинско име е Леланд Тајлер Вејн, па дури и отишле заедно на групно патување во Лас Вегас.
View this post on Instagram
Во една прилика Метро ја повикал во своето студио во Лос Анџелес. Во документите навела дека видела како продуцентот користи голема количина кодеин, иако неговите пријатели го предупредиле да внимава со консумирањето на оваа опасна супстанца. Таа изјавила дека земала половина Xanax и жесток пијалок тој ден поради што се онесвестила на каучот. Таа раскажа како се разбудила во креветот додека Метро „наводно ја силувал и имал орален секс со неа“.
Метро ѝ кажал дека се во хотелска соба во Беверли Хилс и дека таа мора да замине. Таа истакна дека не се сеќава како стигнала до хотелот. Во документите таа тврди и дека после тоа останала бремена и дека продуцентот е единствениот кој би можел да биде татко. Тогаш ЛеМаист имала спонтан абортус.
View this post on Instagram
Ванеса, исто така, во тужбата навела дека мисли дека неговата песна во соработка со 21 Savage и Offset , „Rap Saved Me“, се однесува на тој инцидент.
Продуцентот исто така беше вмешан во скандал претходно оваа година, а сето тоа се случи поради конфликтот помеѓу Дрејк и Кендрик Ламар. Тогаш поединци пронајдоа стари објави на Метро на Икс што тој ги направил помеѓу 2011 и 2013 година. Во своите објави, тој наводно спомнал „секс со малолетници“ и употреба на супстанци. Тој потоа рече дека „не може да биде педофил“ бидејќи и самиот во тоа време бил малолетен, како што објави „HotNewHipHop“. Сепак, набрзо ги избриша истите објави.
