Повлечено обвинението против Алек Болдвин: Дали актерот се спаси од максимална казна затвор?
Обвинителството во Ново Мексико го отфрли обвинението за огнено оружје против холивудскиот актер Алек Болдвин, пишува „TMZ“, што значи дека ќе ја избегне максималната казна со која се соочи за смртта на камерманката Халина Хачинс во октомври 2021 година на сетот на филмот „Rust“.
Препорачано
Според обвинението, Болдвин се соочувал со минимална казна затвор од пет години. По повлекувањето на обвинението, останува во сила обвинението за убиство од небрежност, за што останува во сила казната од 18 месеци затвор и паричната казна од 5.000 долари. „TMZ“ пренесува дека актерот би можел да добие помала казна, па дури и да биде пуштен на условна слобода.
View this post on Instagram
Пресвртот дојде откако адвокатот на актерот возврати со тужба посочувајќи дека актерот е обвинет според закон кој не е во сила. Во моментот на пукањето на сетот на „Rust“ важеше закон кој вели дека некој може да биде обвинет само за употреба на огнено оружје доколку оружјето било изложено со намера да заплаши или повреди одредено лице, што не било случајот со Болдвин.
View this post on Instagram
Обвинителството поради некоја причина сметаше дека може да се примени амандман кој не бара таква намена, а кој беше усвоен седум месеци по трагедијата, пишува „TMZ“.
View this post on Instagram
Алек Болдвин минатиот месец беше обвинет за две точки од обвинението за убиство од небрежност и за употреба на огнено оружје. Кога ќе се додаде ова второ обвинение, тоа значително влијае на висината на казната.
Истите обвиненија беа покренати и против Хана Гутиерез-Рид, која беше задолжена за реквизитите на сетот. И таа и Болдвин негираат дека сториле нешто лошо. Тие нема да бидат обвинети за ранувањето на режисерот Даниел Соуза, иако тој беше погоден од истиот куршум што ја уби Халина Хачинс.
