На почетокот од месец октомври клубот од „Сан Паоло“ објави дека македонскиот репрезентиваец Елиф Елмас е позитивен на ковид-19, а денеска доаѓаат добри вести и за екипата, но и за нашата најдобра А селекција.

Елмас, заедно со неговиот тимски играч во Наполи, Пјотр Зиелински после новите тестирања се негативни на коронавирус.

Оваа информација е објавена во пресрет на новиот натпревар на „наполитанците“ во Серија А в недела против Беневенто на гостински терен (15.00 часот).

? | Elmas e Zielinski negativi al Covid-19! ?

? #ForzaNapoliSempre pic.twitter.com/ShquuUxuKa

— Official SSC Napoli (@sscnapoli) October 24, 2020

Двајцата играчи нема да бидат во составот за неделниот дуел, но се очекува тренерот Џенаро Гатузо да ги има на располагање Елмас и Зиелински за мечот против Сасуоло на 1 ноември.

Пред да им биде дозволено да играат во Серија А, тие прво мора да поминат физички тест за да се потврди дека нема долготрајни компликации од вирусот.

Претходно не играа и во првата средба од новата сезона во Лига Европа, а секако сите со верба и надеж дека Елмас ќе биде дел од составот на Игор Ангеловски за историскиот натпревар на 12 ноември за македонската А репрезентација во Тбилиси против Грузија за пласман на наредното Европско првенство.