Мартин Томовски (26) ќе го засили составот на Потсдам во следната натпреварувачка сезона 2024/2025.

Македонскиот репрезентативен голман кој до сега ги бранеше боите на РК Вардар 1961 потпиша договор на една година со германскиот ракометен клуб.

Ја почна својата кариера во РК Металург со кој исто така настапуваше во ЕХФ Лигата на шампионите.

Во летото 2019 година во Германија го носеше дресот на Лудвигсхафен, две години подоцна се врати во Скопје потпишувајќи за Вардар со кој во 2022 година го освои македонскиот шампионат и Купот.

– Со нетрпение го очекувам своето време во Потсдам и да можам по втор пат да играм во најдобрата лига во светот. Денес сум поискусен, постар и поистакнат како играч отколку кога првпат играв во ракометната Бундес лига. За мене е големо задоволство да станам дел од Потсдам, тим со толку многу талентирани, млади играчи. Можам да ветам дека ќе направам сè што е во моја моќ за да ги оствариме амбициите и целите заедно со тимот – изјави 1,94 метри високиот голман.

Потсдам од следната сезона ќе настапува во Бундес лигата, моментно на три кола до крајот на втората германска лига е на првата позиција.