Ако не сте сигурни како да ја процените личноста со која разговарате, прочитајте го овој совет од психологот Дастин Вуд. Кога среќаваме некоја личност за прв пат, тешко е да знаеме каков е нејзиниот карактер. Дури кога подобро ќе ја запознаеме, ги откриваме маните и недостатоците, што може во некои случаи да предизвика голем проблем.

Сепак, експертите тврдат дека одговорот на само едно прашање може да ви помогне да сфатите дали нечиј карактер е вистинскиот за вас.

Психологот Дастин Вуд од Универзитетот Вејк Форест тврди дека начинот на кој ги перципираме другите ја открива нашата личност.

Затоа, доволно е да ги прашате луѓето што мислат за друга личност. Ако гледаат позитивно на другите, тоа може да открие колку се задоволни од сопствениот живот и колку им се допаѓаат другите луѓе.

Оние кои се незадоволни од својот живот имаат поголема веројатност да даваат негативни коментари за другите, како и нарцисоидните и асоцијалните поединци.

Дополнително, Вуд верува дека ако личноста за која сте заинтересирани гледа исклучиво негативно, веројатно ќе биде повеќе склона кон депресија и разни растројства на личноста, пишува „Сенса“.