Портпаролот на ИДФ (Израелските одбранбени сили) вечерва изјави дека започна четвртото ослободување на заложниците од Појасот Газа.

Тој изјави и дека продолжувањето на привременото примирје во војната со Хамас не е конечно, но дека постојано се преговара со посредници.

„Ништо не е конечно додека не се случи. И вечерва работите напредуваат, но потребно е трпение“, рече Хагари.

Исламскиот екстремистички Хамас, кој во своите напади на југот на Израел на 7 октомври киднапираше и одведе околу 240 заложници во Газа. Хагари го обвини дека снимал пропагандни видеа за ослободување на заложниците во последните три дена, објавија израелските медиуми.

На видеата се гледа како екстремистите мавтаат со заложниците додека заминуваат, а Хагари рече дека тоа нема да ја прикрие „бруталноста на Хамас“.

Израелскиот премиер Бенјамин Нетанјаху вечерва на крајот од владиниот состанок за воениот буџет изјави дека планот за заложниците продолжува како што е договорено и дека клучна цел е нивното ослободување и елиминација на Хамас и да се осигура дека заканата нема да биде повтори, алудирајќи на ненадејните напади на палестинските екстремисти на југот на Израел по што започна војната.

Тој не ја коментираше најавата на Катар, Хамас и САД дека е постигнат договор за дводневно продолжување на примирјето кое стапи на сила во четвртокот и требаше да заврши утре наутро.

Израелските власти претходно изјавија дека ќе се согласат на дополнителен ден на примирје за секои десет заложници ослободени од Хамас.

Од почетокот на прекинот на огнот, 39 Израелци се ослободени во замена за 117 палестински затвореници.

Покрај тоа, 19 приведени странци, главно Тајланѓани, беа ослободени надвор од договорот.

Денеска беше најавено ослободување на 11 Израелци и шест Тајланѓани. Израел ќе ослободи три женски и 30 машки малолетници