На Европското првенство за сениори во борење што се одржува во Загреб, најпрвин победа оствари македонскиот репрезентативец Ахмад Магомедов со 8:0 против Станислав Новак од Молдавија во осминафиналето во категорија 79кг.

Во четвртфиналето Магомедов загуби од грчкиот натпреварувач Георгиус Коугимцидис со резултат 5:3.

Од останатите наши борачи на ЕП во хрватскиот главен град, Фати Вејсели (70кг) во квалификациите се бореше против Патрик Оленцзин од Полска.

Вејсели имаше високо водство од 9:2, но во последен момент ја испушти предноста и на крајот загуби со 9:11.

Во категоријата 97кг Могамедгаџи Нуров во осминафиналето со 5:2 беше совладан од противникот од Полска, Збингниев Барновски.