Легендарниот музичар Елвис Присли почина пред 47 години како последица од срцев удар, кога имал само 42 години. Неговиот полубрат Дејвид Стенли сега тврди дека Елвис починал поради неговиот лекар Џорџ Нихопулос.

Дејвид го обвини Џорџ дека постојано му препишувал лекови дека тоа придонело за неговата рана смрт, пренесува „Експрес“. Тој смета дека зависноста на Елвис од лекови дополнително ги зголемила неговите здравствени проблеми. Стенли тврди дека лекарот му препишал на музичарот илјадници и илјадници лекови во месеците пред неговата смрт и вели дека Присли сè уште би бил жив доколку докторот не го направел тоа.

И денес, полубратот на Елвис е зачуден од количината на лекови што музичарот ги консумирал и не разбира зашто му требале 33 апчиња за воопшто да заспие.

 

View this post on Instagram

 

A post shared by David E. Stanley (@davidestanley)

„Д-р Нихопулос му дал повеќе од 10.000 таблети во последните осум месеци од неговиот живот. Без Нихопулос, Елвис би живеел во 21 век, а докторот би бил во затвор и би умрел таму. Лекарите го убиле. Кому му требаат 10.000 апчиња за спиење Кому му требаат кокаин и амфетамин за да се разбуди секој ден? И тогаш велат дека имал здравствени проблеми … Мој пријателе, ако пиеш толку многу лекови, сигурно ќе имаш здравствени проблеми“, истакнал полубратот на Елвис.

Тој тврди дека дрогата и таблетите го чинеле живот, што претходно неколкупати го повторувал, поради што бил мета на негативни коментари.

„Јас сум многу категоричен за тоа, јас сум гласен за тоа. Фановите ме прашуваат: „Како можеш така да зборуваш за Елвис? Бидете таму 5 години, во последните денови од неговиот живот, гледајте како од крал станува личност со повеќе од 100 килограми, потполно уништен, и како се одржува во живот што е можно повеќе“ рече тој.

Дејвид е син на очувот на Елвис, Вернон Присли, кој беше во брак со мајката на музичарот, Гледис, од 1948 до 1958 година.