Одбојкарската репрезентација на Полска обезбеди пласман на Светското првенство откако во полуфиналето во драматичен дуел исполнет со пресврти славеа над Бразил со 3:2 во сетови и тоа со 23:25, 25:18, 25:20, 21:25, 15:12.

Капитенот Бартош Курек со 24 освоени поени ги предводеше Полјаците до победата, два помалку освои Камил Семенјук. Во редовите на Бразил најефикасен беше Рикардо Лукарели со 18 поени.

Бразилците постојано водеа во првиот сет, имаа три сет топки, и ја искористија последната за да поведат со 0:1. Потоа работите се променија, Полјаците беа фантастични во вториот сет кој го добија со 25:18 за измранување на 1:1.

Првиот дел од третиот сет им припадна на „кариоките“, но на средината од сетот Полјаците направија серија од 5:1, поведоа со 18:14 и потоа рутински ја одржуваа предноста за водство од 2:1 во сетови.

Бразилците не се предадоа и четвртиот сет го добија благодарение на серијата од 0:5 во финишот со што се изборија за петти одлучувачки сет.

Во, него, по голема драма во петтиот сет и многу пресврти, Полска славеше и се пласираше во големото финале.

Во финалето Полска ќе игра со подобриот од второто полуфинале во кое се среќаваат Словенија и Италија.