Полицијата во Нов Зеланд го уби Том Филипс, кој исчезнал во декември 2021 година на Северниот Остров со своите три деца. Две од трите деца се пронајдени речиси четири години по нивното исчезнување, соопштија властите во Нов Зеланд.

Тој бил убиен откако полицијата реагираше на пријава за кражба, а едно од децата било пронајдено на местото на инцидентот. Двете останати деца беа пронајдени во оддалечен камп, сами, но безбедни. Децата ќе бидат однесени на лекарски преглед, а нивната благосостојба останува врвен приоритет на властите, пишува Би-Би-Си.

Децата имале 8, 7 и 5 години кога исчезнале. Вршителката на должноста заменик-комисарка Џил Роџерс изјави дека иако се безбедни, започнува долг процес на закрепнување за семејството.

За време на пукањето, првиот полицаец на местото бил ранет со истрел во главата. И покрај обемните претреси и наградата од 80.000 новозеландски долари за негово лоцирање, Филипс успеал да им избега на властите сите овие години.

Мајката на децата изјавила дека е длабоко олеснета што тежок период за нив завршил и дека со нетрпение очекуваат да ги пречекаат децата дома, иако се тажни поради трагичниот исход на настаните.