Кошаркарите на Денвер беа подобри од Лос Анџелес Лејкерс во нивниот втор меѓусебен натпревар во плеј-офот од НБА лигата. Сепак, овој натпревар остана во сенка на инцидентот кој на трибините го направи братот на српскиот кошаркар, Никола Јокиќ, Страхиња.

По една расправија, Страхиња Јокиќ удри бокс на навивач, а целата ситуација подоцна се појави на социјалните мрежи.

Од полицијата соопштија и дека поради овој инцидент е отворена истрага.

„Во овој момент нема поднесено пријава. Го истражуваме инцидентот и активно работиме на идентификација на човекот кој е нападнат. Сакаме да ги охрабриме сите кои биле сведоци и знаат нешто повеќе да се јават во станица“, објави полицијата.

 

View this post on Instagram

 

A post shared by nova.rs sport (@nova.rs_sport)