Почина познатата југословенска историчарка и политичарка Латинка Перовиќ
На 89-годишна возраст денеска во Белград почина југословенска историчарка и политичарка Латинка Перовиќ, објавија српските медиуми.
На само 27 години таа беше претседателка на Антифашистичкиот женски фронт на Србија (АФЖ). Работела како секретар на Сојузот на комунистите на Србија од 1968 до 1972 година. Таа важеше за највлијателната жена во земјата во тоа време и единствената која не ја доби својата позиција поради брак со помоќен сопруг туку врз основа на нејзината интелигенција, способност и амбиција. Во 1972 година, престедателот на тогашна СФРЈ Јосип Броз Тито ја отпуштил од функцијата секретар поради страв дека нејзините уверувања се премногу либерални.
Студиите по историја ги завршила и докторирала на Факултетот за политички науки на Универзитетот во Белград во 1975 година.
Од 1968 до 1972 година била секретарка на ЦК на Сојузот на комунистите на Србија, кога била сменета со Марко Никезиќ, тогашен претседател на ЦК на СКС, во таканаречената чистка на српските либерали.
Работела во Институтот за историја на работничкото движење – Белград од 1976 до 1998 година.
Била член на Политичкиот совет на Либерално-демократската партија (ЛДП) и на Граѓанско-демократскиот форум.