Јавното претпријатие за јавни паркиралишта „Паркинзи на Општина Центар“  промовираше новите паркинг карти, делејќи информативни флаери низ Дебар Маало.

Станува збор за мулти-неделна паркинг-карта, со цена од 2000 денари, која важи 7 дена и овозможува паркирање на сите комерцијални паркиралишта во зона 1 и зона 2.

Покрај оваа ПОЦ воведува и два вида на гостински карти  наменети исклучиво за жители со склучен кориснички договор – дневна гостинска карта која ќе чини  300 денари и неделна гостинска карта по цена од 1200 денари. Овие гостински карти можат да се користат само на отворени типови паркиралишта, комерцијални и резидентни, во секторот каде што жителот има пријавено живеалиште.

Со оваа активност, продолжуваме со транспарентна комуникација со жителите на општината и креирање практични решенија за секојдневните потреби на граѓаните. Новите паркинг карти се дизајнирани за поголема флексибилност и ефикасност при користење на паркинзите во Центар, и истите можат да се купат на веб страната www.poc.mk  – информираат од ПОЦ.