Бојкотот на наставата организиран од групата на родители кои се против дигитализацијата на наставата продолжува и денеска. 

– Бојкотот си тече, исто како и во четвортокот. Забележителен е притисокот на децата и родителите од страна на наставниците – вели воспитувачката Драгана Спасевска за „Слободен печат“, која стои зад групата на родители организирани преку Фејсбук групата „Учебници и настава мора да има“. 

Бојкотот продолжува откако најпрво беше организиран во четвртокот, а Спасевска вели, доколку од МОН не одговорат на барањата на родителите, ќе следува протест. 

– Ќе ја чекаме прво министерката Мила Царовска да не побара. Пет дена од барањето изминуваат во четврток. Ако не се одговори на нашите барања , во недела ќе имаме мирен протест – додава Спасевска. 

Минатата недела пак, родителите на прес-конференција пред МОН ги искажаа своите барања кои вклучуваат стопирање на постапката за законот за дигитализација на учебниците, јавна дебата за законот со учество на стручни лица, како и родителите конечно да бидат вклучени во водењето на образовните политики.

Родителите најавија бојкот на наставата од утре