Хрватскиот премиер Андреј – Пленковиќ тврди дека расколот во „Татковинско движење“ не може да го доведе во прашање парламентарното мнозинство.

На сите прашања во врска со ваквото можно сценарио, одговорот на Пленковиќ беше негативен.

-Не се слушнав со (Марио) Радиќ по нивните избори, немавме време, но ќе имаме. И на двајцата пред изборите им беше јасно дека ќе ја поддржат Владата. Да дадеме малку време да се смири, изјави Пленковиќ во Блед, каде што се одржува 19. Стратешки форум.

„Навикнати сме да си играме со рацете (гласовите на пратениците) како да сме 150“, рече Пленковиќ и додаде: „Немаме проблем со мнозинството“, пишуваат хрватските медиуми.

По внатрепартиските избори одржани во саботата, од Татковинското движење си заминаа четирите најпознати имиња: Марио Радиќ, Игор Петернел, Стефан Бартулица и Дамир Билогслав.

Хрватските медиуми тврдат дека ова се најпознатите, но не и единствените имиња кои решиле да го напуштат Татковинското движење откако градоначалникот на Вуковар, Иван Пенава, го освои претседателското место во партијата.

Тие во саботата веднаш ја напуштија партијата и, како што најавија, допрва ќе разговараат за нивната натамошна работа и за новиот организациски облик на делување во парламентот.