Македонската футсал репрезентација доживеа убедлив пораз од Србија во квалификациите за ЕП 2022.

Вечерва во СЦ „Јане Сандански“, Македонија загуби со убедливи 1:6 од Србија и речиси и да ги загуби шансите за пласман на Европското првенство. По четири натпревари во квалификациите, Македонија има два бода и се наоѓа на последното место, додека Србија е второпласирана со пет бода.

Избраниците на селекторот Васко Скендеровски одлично започнаа и преку Исмаили поведоа со 1:0 во деветтата минута. Но, радоста траеше неполна минута, Србија преку Першиќ израмни на 1:1, а потоа со головите на Петровиќ, Петров и Лазаревиќ имаше убедливи 1:4 на полувремето. Во второто полувреме, селекцијата на Србија постигна уште два гола преку Томиќ и Ракиќ.