Владата на Јапонија го претстави денеска ревидираниот план за отстранување на стопениот нуклеарен отпад од нуклеарната централа Фукушима Даичи, што ќе почне со имплементација во 2021 година.

Тоа е процес за кој се вели дека е најголемата пречка при расчистување на уништениот објект, јавија локални медиуми.

Нуклеарната централа Фукушима претрпе големи штети во земјотресот во 2011 година и цунамито што ја погоди Јапонија, а три реактори тогаш се стопија.

Според владиниот план, најавуван како среднорочен и долгорочен, работата за отстранување на отпадот треба да започне во реакторот број два, во кој се вели дека до 2031 година треба да се заврши отстранувањето на 4.741 шипки за гориво што остануваат во базенот.

Реакторот број 2 беше во функција кога започна кризата, а дел од горивото се растопи. Сепак, зградата во која беше реакторот број 2 не претрпе експлозија на водород и нивото на зрачење се проценува дека е пониско од другите.